ଦିନକୁ ଦିନ ତମାଖୁ ସହ ତମାଖୁ ମିଶ୍ରିତ ଦ୍ରବ୍ୟ ଗୁଡିକର ବ୍ୟବହାର ବଢ଼ିବାରେ ଲାଗିଛି ।ଏହାକୁ ପ୍ରତିହତ କରିବାକୁ ଯାଇ ଲେଫ୍ରିପଡ଼ାର ଅଞ୍ଚଳର ବିଭିନ୍ନ ସ୍ଥାନରେ ଖାଦ୍ୟ ସୁରକ୍ଷା ବିଭାଗ ଓ ଜାତୀୟ ତମାଖୁ ନିୟନ୍ତ୍ରଣ ବିଭାଗ ମିଶି ଏକ ବିଶେଷ ଅଭିଯାନ ଚଲାଇଛନ୍ତି। ଏହି ଅଭିଯାନ ଲେଫ୍ରିପଡ଼ା ବଜାର ଅଞ୍ଚଳ, ତହସିଲ ଛକ, ବର ଛକ ସହ ଅନ୍ୟାନ୍ୟ ସ୍ଥାନରେ ପରିଚାଳିତ ହୋଇଥିଲା। ଚଢ଼ଉ ସମୟରେ ୨୨ଟି ପାନ ଦୋକାନ, ହୋଟେଲ, ଢାବା, ଖୁଚୁରା ବ୍ୟବସାୟୀ ଓ ହୋଲସେଲ ବିକ୍ରେତାଙ୍କ ଉପରେ କାର୍ଯ୍ୟାନୁଷ୍ଠାନ ଗ୍ରହଣ କରାଯାଇଛି।
ସ୍କୁଲ ଓ ସାର୍ବଜନୀନ ସ୍ଥାନରେ ଥିବା ଦୋକାନଗୁଡ଼ିକରୁ ପ୍ରାୟ ୩ କିଲୋ ସିଗାରେଟ୍, ଜର୍ଦ୍ଦା ପତି ଓ ତମାଖୁ ଜବତ କରାଯାଇଛି।ଅଭିଯାନ ସମୟରେ ପ୍ରାୟ ୨୦ କିଲୋରୁ ଅଧିକ ତମାଖୁ ଜବତ କରି ନଷ୍ଟ କରାଯାଇଛି ଓ ଦୋକାନୀମାନଙ୍କଠାରୁ ମୋଟ ୧୧ ହଜାର ୮ଶହ ଟଙ୍କା ଜୋରିମାନା ଆଦାୟ ହୋଇଛି। ଦୋକାନୀମାନଙ୍କୁ ଆଇନ ଅନୁଯାୟୀ ସତର୍କ କରାଯାଇଛି ଏବଂ ଲିଖିତ ଚେତାବନୀ ନୋଟିସ ଦିଆଯାଇଛି। ଏହି ସ୍ୱତନ୍ତ୍ର ଚଢ଼ଉ ସମୟରେ ଜିଲାର ବରିଷ୍ଠ ଅଧିକାରୀ, ତମାଖୁ ନିୟନ୍ତ୍ରଣ କାର୍ଯ୍ୟକ୍ରମ ଜିଲା ପରାମର୍ଶଦାତା ସ୍ଵପ୍ନଜିତ ମହାନ୍ତିଙ୍କ ସହିତ ଲେଫ୍ରିପଡ଼ା ଥାନା ପୁଲିସ ଓ ସୁନ୍ଦରଗଡ଼ ଜିଲା ସ୍ୱାସ୍ଥ୍ୟ ବିଭାଗର କର୍ମଚାରୀମାନେ ଯୋଗଦେଇଥିଲେ।ଏହି ଅଭିଯାନରେ ପ୍ରତାପ ରୁଦ୍ର ମଣ୍ଡଳ, ମୋନାଲି ମଧୁସ୍ମିତା ବେହେରା, ସୁନ୍ଦରଗଡ଼ ଖାଦ୍ୟ ସୁରକ୍ଷା ଓ ଜାତୀୟ ତମାଖୁ ନିୟନ୍ତ୍ରଣ ବିଭାଗର ଅଧିକାରୀମାନେ ସାମିଲ ହୋଇଥିଲେ।
Total views : 167