ଜମି କିଣାବିକା କରୁଥିବା ଲୋକଙ୍କ ପାଇଁ ଏକ ବଡ଼ ଖବର। ସରକାର ନେଇଛନ୍ତି ଏକ ଗୁରୁତ୍ୱପୂର୍ଣ୍ଣ ନିଷ୍ପତ୍ତି । ଏଣିକି ଜମି କିଣାବିକା କାର୍ଯ୍ୟ ପାଇଁ ଲୋକଙ୍କୁ ଜମି ନିବନ୍ଧକ କାର୍ଯ୍ୟାଳୟକୁ ଦୌଡ଼ିବାକୁ ପଡ଼ିବ ନାହିଁ ଓ ଅଯଥା ଖର୍ଚ୍ଚାନ୍ତ ହେବାକୁ ପଡିବ ନାହିଁ। ବରଂ, ନିଜ ଅଞ୍ଚଳର ତହସିଲ କାର୍ଯ୍ୟାଳୟରେ ହିଁ ଏହି କାର୍ଯ୍ୟ ସମ୍ପାଦନ କରାଯିବ।ରାଜସ୍ୱ ମନ୍ତ୍ରୀ ଶ୍ରୀ ସୁରେଶ ପୂଜାରୀ ଏହି ସୂଚନା ଦେଇ କହିଛନ୍ତି ଯେ, ଆସନ୍ତା ନଭେମ୍ବର ୧ ତାରିଖରୁ ଏହି ନୂତନ ପ୍ରକ୍ରିୟା ଆରମ୍ଭ ହେବାକୁ ଯାଉଛି।ପ୍ରାରମ୍ଭିକ ପର୍ଯ୍ୟାୟରେ ରାଜ୍ୟର ୪୪ ଟି ତହସିଲରେ ଏହି ପ୍ରକ୍ରିୟା ଆରମ୍ଭ କରାଯିବ ଓ ଆସନ୍ତା ନଭେମ୍ବର ୧ ତାରିଖ ଦିନ ମାନ୍ୟବର ମୁଖ୍ୟମନ୍ତ୍ରୀ ଶ୍ରୀ ମୋହନ ଚରଣ ମାଝୀ ନିଜେ ଏହି କାର୍ଯ୍ୟକ୍ରମର ଶୁଭାରମ୍ଭ କରିବେ।ଅବଶିଷ୍ଟ ୨୭୩ ତହସିଲରେ: ଆଗାମୀ ଡିସେମ୍ବର ମାସରେ ଏହି ନୂଆ ନିୟମ କାର୍ଯ୍ୟକାରୀ କରାଯିବ।ଏହି ପଦକ୍ଷେପ ଦ୍ୱାରା ଜମି କିଣାବିକା କାର୍ଯ୍ୟ ଅଧିକ ସହଜ, ସୁବିଧାଜନକ ଓ ସ୍ୱଚ୍ଛ ହୋଇପାରିବ ବୋଲି ଆଶା କରାଯାଉଛି। ଲୋକଙ୍କୁ ନିଜ ଅଞ୍ଚଳରେ ହିଁ ଏହି ସୁବିଧା ମିଳିବା ଦ୍ୱାରା ସେମାନଙ୍କର ସମୟ ଏବଂ ଅର୍ଥର ମଧ୍ୟ ସଞ୍ଚୟ ହେବ।
Total views : 167