ଦର୍ଲିପାଲି ଠାରେ ଥିବା ତାପଜ ବିଦ୍ୟୁତ୍ ପ୍ରକଳ୍ପ କେବଳ ବିଦ୍ୟୁତ୍ ଶକ୍ତି ଉତ୍ପାଦନରେ ସୀମିତ ନାହିଁ, ବରଂ ପାରିପାର୍ଶ୍ୱିକ ବିକାଶ ଏବଂ ପରିବେଶ ସୁରକ୍ଷା ଦିଗରେ ମଧ୍ୟ ଗୁରୁତ୍ୱପୂର୍ଣ୍ଣ ପଦକ୍ଷେପ ନେଉଛି।ପ୍ରକଳ୍ପରେ ଉନ୍ନତ ପ୍ରଦୂଷଣ ନିୟନ୍ତ୍ରଣ ପ୍ରଯୁକ୍ତିବିଦ୍ୟାର ବ୍ୟବହାରକୁ ସର୍ବାଧିକ ଗୁରୁତ୍ୱ ଦିଆଯାଉଛି। ଏହା ବ୍ୟତୀତ, ସୁନ୍ଦରଗଡ଼ ଏବଂ ଝାରସୁଗୁଡ଼ା ଜିଲ୍ଲାର ପ୍ରଭାବିତ ଅଞ୍ଚଳରେ ପାରିପାର୍ଶ୍ୱିକ ବିକାଶ, ସଡ଼କ ନିର୍ମାଣ ଏବଂ ବ୍ୟାପକ ଚାରାରୋପଣ କାର୍ଯ୍ୟକ୍ରମକୁ ମଧ୍ୟ ପ୍ରାଥମିକତା ଦିଆଯାଉଛି। ଏନଟିପିସି ଦର୍ଲିପାଲି ତାପଜ ବିଦ୍ୟୁତ୍ ପ୍ରକଳ୍ପର ପ୍ରଶାସନ ଭବନରେ ଅନୁଷ୍ଠିତ ଏକ ସାମ୍ବାଦିକ ସମ୍ମିଳନୀରେ ଦର୍ଲିପାଲି ପ୍ରକଳ୍ପ ମୁଖ୍ୟ ଶ୍ରୀ ଫୌଜ ତୟବ ଏହି ସୂଚନା ଦେଇଛନ୍ତି।ବିଶେଷ କରି ପ୍ରଭାବିତ ଅଞ୍ଚଳର ମହିଳାମାନଙ୍କ ସଶକ୍ତୀକରଣ ପାଇଁ ବିଭିନ୍ନ ପ୍ରକାର ତାଲିମ ଏବଂ ଆବଶ୍ୟକୀୟ ସୁବିଧା ସାମାଜିକ ଦାୟିତ୍ୱବୋଧ କାର୍ଯ୍ୟକଳାପ ମାଧ୍ୟମରେ ଯୋଗାଇ ଦିଆଯାଉଛି। ମାନବସମ୍ବଳ ବିଭାଗ ମୁଖ୍ୟ ଶ୍ରୀମତୀ ପ୍ରତିଭା ସିଂହ ଏହି ଅବସରରେ ଏନଟିପିସି ଦର୍ଲିପାଲି ପ୍ରକଳ୍ପ ଦ୍ୱାରା ପ୍ରଦାନ କରାଯାଉଥିବା ସାମାଜିକ ଦାୟିତ୍ୱବୋଧ କାର୍ଯ୍ୟକଳାପ, ପ୍ରମୁଖ ସଫଳତା ଏବଂ ପରିବେଶ ସୁରକ୍ଷା ଉଦ୍ୟମ ସମ୍ବନ୍ଧରେ ବିସ୍ତୃତ ତଥ୍ୟ ଉପସ୍ଥାପନ କରିଥିଲେ।
ଶ୍ରୀ ତୟବ ଆଗାମୀ ଦିନରେ ଆଉ ଏକ ପ୍ରକଳ୍ପ ସ୍ଥାପନ କରିବା ପାଇଁ ସର୍ବେକ୍ଷଣ କରାଯାଇଥିବା ଓ ମଞ୍ଜୁରୀ ସକାଶେ ଆବେଦନ କରାଯାଇଥିବା ସମ୍ପର୍କରେ ସୂଚନା ଦେଇଥିଲେ। ଆଉଁଲବାହାଲ ଠାରୁ ଭେଡାବାହାଲ ରାସ୍ତାରେ ବେଆଇନ ଭାବେ ପକାଯାଉଥିବା ବର୍ଜ୍ୟବସ୍ତୁ କିପରି ଆଉ ପକା ନଯିବ ସେ ଦିଗରେ ପଦକ୍ଷେପ ନିଆ ଯାଇ ୪ ଜଣ ଟ୍ରାନ୍ସପୋର୍ଟରଙ୍କ ଲାଇସେନ୍ସ ରଦ୍ଦ କରାଯାଇଥିବା ଓ କୋଲ୍ କରିଡର ରାସ୍ତାରେ ଏନ୍ଟିପିସି ଅର୍ଥରେ ନିରୀକ୍ଷଣ କ୍ୟାମେରା ଲଗାଇବାକୁ ପ୍ରଶାସନ ନିକଟରେ ଅନୁରୋଧ କରାଯାଇଛିସୂଚନା ଦେଇଥିଲେ ।
ସାମ୍ବାଦିକ ସମ୍ମିଳନୀରେ ସଞ୍ଚାଳନ ଓ ଅନୁରକ୍ଷଣ ମହାପ୍ରବନ୍ଧକ ରବୀନ୍ଦ୍ର ଶର୍ମା, ପ୍ରଚାଳନ ଓ ଇନ୍ଧନ ପରିଚାଳନା ମହାପ୍ରବନ୍ଧକ ଇପିଲ ବାଗେ, ଅନୁରକ୍ଷଣ ଓ ବର୍ଜ୍ୟବସ୍ତୁ ପରିଚାଳନା ମହାପ୍ରବନ୍ଧକ ରାଧେଶ୍ୟାମ ମୌର୍ଯ୍ୟ, ପୁନର୍ବାସ ଓ ଥଇଥାନ ଅତିରିକ୍ତ ମହାପ୍ରବନ୍ଧକ ସମୀର ଭଞ୍ଜ, ବର୍ଜ୍ୟବସ୍ତୁ ପରିଚାଳନା ଅତିରିକ୍ତ ମହାପ୍ରବନ୍ଧକ ପ୍ରଶାନ୍ତ ବେହେରା, ପରିବେଶ ପରିଚାଳନା ଅତିରିକ୍ତ ମହାପ୍ରବନ୍ଧକ ଡ. ଡି ନନ୍ଦେଶ୍ୱରଙ୍କ ସମେତ ପ୍ରକଳ୍ପର ବହୁ ବରିଷ୍ଠ ଅଧିକାରୀମାନେ ଉପସ୍ଥିତ ଥିଲେ।
Total views : 167