କୃଷିଋଣ ସୁବିଧାରୁ ବଞ୍ଚିତ ଅସଲି ଚାଷୀ,ନକଲି ମାଲାମାଲ

କୃଷି ଓ କୃଷକ ମାନଙ୍କ ବିକାଶ ପାଇଁ କେନ୍ଦ୍ର ଓ ରାଜ୍ୟ ସରକାର ବିଭିନ୍ନ ଯୋଜନା ମାଧ୍ୟମରେ ବ୍ୟାପକ ଅର୍ଥ ବ୍ୟୟ କରୁଛନ୍ତି ।ହେଲେ ଏହାର ପ୍ରକୃତ ଲାଭ ସଠିକ୍ ହିତାଧିକାରୀ ପାଖରେ ପହଞ୍ଚି ପାରୁନାହିଁ । ବିଭିନ୍ନ ଫସଲ ର ଆଦାୟ ବୃଦ୍ଧି କରିବା ସହ ଚାଷୀ ମାନଙ୍କୁ ସହାୟତା ଓ ପ୍ରୋତ୍ସାହନ ଯୋଗାଇ ଦେବା ପାଇଁ ସରକାର ସମବାୟ ସମିତି ଓ ବ୍ୟାଙ୍କ ମାଧ୍ୟମରେ ଉଭୟ ରବି ଓ ଖରିଫ ଫସଲ ନିମନ୍ତେ କୃଷି ଋଣ,ଦ୍ରବ୍ୟ ଋଣ,ରାସାୟନିକ ସାର,ବିହନ ଆଦି ଯୋଗାଇ ଦେବାର ବ୍ୟବସ୍ଥା କରି ଆସୁଛନ୍ତି ।ହେଲେ ଏହି ସବୁ ବ୍ୟବସ୍ଥା କେବଳ ଅଣଚାଷୀ,ବୃହତ୍ ଚାଷୀ,ଭାଗ ଚାଷୀ ମାନଙ୍କ ହାବୁଡ଼ରେ ପଡୁଛି ।ପ୍ରକୃତ ହିତାଧିକାରୀ ଯିଏ କି କୃଷି ବିନା ବଞ୍ଚି ପାରିବନି ସେମାନଙ୍କୁ ମିଲୁ ନାହିଁ ।ସହର ତଳିଆ ତଥା ଯିଏ ଅନ୍ୟ ବ୍ୟବସ୍ଥା ଦ୍ଵାରା ଅର୍ଥ ଆୟ କରି ପାରିବ ସେମାନଙ୍କୁ ଏହି ସବୁ ସୁବିଧା ମିଳୁଛି ।ଏପରିକି କିଛି ବ୍ୟାଙ୍କରେ ଦଲାଲ ମାଧ୍ୟମରେ ଜମି ପଟ୍ଟା ଥିଲା ବାଲା ଅଣ ଚାଷୀ ମାନଙ୍କ ନାମରେ କୃଷି ଋଣ ଉଠାଇ ମୋଟା ଅଙ୍କର ଅର୍ଥ ଆତ୍ମସାତ ହେଉଥିବାର ଅଭିଯୋଗ ହେଉଛି କିନ୍ତୁ ବଣ ପାହାଡ ଘେରା Lefripada ବ୍ଲକ ର ଉପନ୍ତବର୍ତ୍ତି ଅଞ୍ଚଳରେ ଥିବା ପ୍ରକୃତ କୃଷକ ମାନଙ୍କୁ ତାଙ୍କ ପାଖରେ ଦଖଲ ଜମିର ପଟ୍ଟା ନ ଥିବାରୁ କୃଷି ଋଣ ମିଳି ପାରୁନାହିଁ ।ଯଦ୍ୱାରା ବର୍ଷ ତମାମ କୃଷି କାର୍ଯ୍ୟ କରି ପରିବାର ପୋଷଣ କରୁଥିବା ଓ ସମାଜକୁ ଖାଦ୍ୟ ସାମଗ୍ରୀ ଯୋଗାଇ ଆସୁଥିବା ପ୍ରକୃତ ଚାଷୀ ପ୍ରୋତ୍ସାହନ ପାଇବାରୁ ବଞ୍ଚିତ ହେଉଛନ୍ତି । ଉପନ୍ତବର୍ତ୍ତୀ ଅଞ୍ଚଳର ରାଜବାହାଲ, ଡୁମାବାହାଲ୍, ସରପଗଡ, ମଶାବିରା, ଗୁଣ୍ଡିଆଡିହି, ଅଲାପକା, ହୁର୍ମେଇ ଆଦି ପଞ୍ଚାୟତ ଗୁଡ଼ିକର ପ୍ରାୟ 70 ଭାଗ ଚାଷୀ ମାନଙ୍କ ପାଖରେ ଦଖଲ କରିଥିବା ଜଙ୍ଗଲ ଜମିର ପଟ୍ଟା ନାହିଁ,ଅନେକ ଚାଷୀ ଶିରୋନାମା ପାଇଥିବା ବେଳେ ବହୁତ୍ ଚାଷୀ ସେଥିରୁ ମଧ୍ୟ ବଞ୍ଚିତ ହୋଇଛନ୍ତି।ତେଣୁ କୃଷି ଓ କୃଷକ ମାନଙ୍କ ବିକାଶ ପାଇଁ କେନ୍ଦ୍ର ଓ ରାଜ୍ୟ ସରକାର ଦେଉଥିବା ସହାୟତା ଓ ଯୋଜନାର ଲାଭ ପାଇ ପାରୁ ନାହାନ୍ତି।ତେଣୁ ଏ ଦିଗରେ ଜିଲ୍ଲା ପ୍ରଶାସନ ତୁରନ୍ତ ପଦକ୍ଷେପ ଗ୍ରହଣ କରିବାକୁ ଦାବି ହେଉଛି।