ଲୌହମାନବଙ୍କ ୧୫୦ତମ ଜୟନ୍ତୀ ପାଳିତ:ସୁନ୍ଦରଗଡ଼ରେ ‘ଏକତା ପାଇଁ ଦୌଡ଼’

ସୁନ୍ଦରଗଡ଼ ଜିଲ୍ଲା ପ୍ରଶାସନ ପକ୍ଷରୁ ରାଷ୍ଟ୍ରୀୟ ଏକତାର ପ୍ରତୀକ ଲୌହମାନବ ସର୍ଦ୍ଦାର ବଲ୍ଲଭ ଭାଇ ପଟେଲଙ୍କ ୧୫୦ ତମ ଜୟନ୍ତୀ ଅବସରରେ ଆଜି ସୁନ୍ଦରଗଡ଼ରେ ‘ଏକତା ପାଇଁ ଦୌଡ଼’ (Run for Unity) କାର୍ଯ୍ୟକ୍ରମ ଆୟୋଜନ କରାଯାଇଥିଲା।ଶତାଧିକ ଜଣ ସାଧାରଣ ଏହି ଗଣ ଦୋୖଡରେ ସାମିଲ ହୋଇ ଅଂଶ ଗ୍ରହଣ କରିଥିଲେ ।  ଏହି ଗଣ ଦୌଡ଼ କାର୍ଯ୍ୟକ୍ରମକୁ ଓଡିଶା ବିଧାନସଭାର ଉପ ବାଚସ୍ପତି ଭବାନୀ ଶଙ୍କର ଭୋଇ ଆନୁଷ୍ଠାନିକ ଭାବେ ଉଦ୍ଘାଟନ କରିଥିବାବେଳେ ପୌର ଅଧ୍ୟକ୍ଷା ତନୟା ମିଶ୍ର,ଅତିରିକ୍ତ ଜିଲ୍ଲାପାଳ ସୁରଜ ପଟ୍ଟନାୟକ, ଭାରତୀୟ ଜନତା ପାର୍ଟି ର ଜିଲ୍ଲା ସଭାପତି ଗିରିଶ ଚନ୍ଦ୍ର ସାହୁ,ଇଂ ଦିଲୀପ ପଟେଲ  ପ୍ରମୁଖ ଉପସ୍ଥିତ ଥିଲେ ।  ପ୍ରାରମ୍ଭରେ ସର୍ଦ୍ଦାର ବଲ୍ଲଭଭାଇ ପଟେଲଙ୍କ ଫୋଟୋ ଚିତ୍ରରେ ପୁଷ୍ପମାଲ୍ୟ ଅର୍ପଣ କରାଯାଇଥିଲା ।  ପରେ ରାଷ୍ଟ୍ରୀୟ  ଏକତା ପାଇଁ ଶପଥ ପାଠ କରାଯାଇଥିଲା । ଏହି ଗଣଦୌଡ଼ ଟି  ନାରୀ କଲ୍ୟାଣ କେନ୍ଦ୍ର ପାଖ ବିର୍ସାମୁଣ୍ଡା ଛକ ରୁ ଆରମ୍ଭ ହୋଇ ଡିଆରଡିଏ ଛକ ଠାରେ ସମାପନ  ହୋଇଥିଲା। ଏଥିରେ ପ୍ରାୟ ୩୦୦ ରୁ ଉର୍ଦ୍ଧ୍ୱ ବିଦ୍ୟାଳୟ ଓ ମହା ବିଦ୍ୟାଳୟର ଛାତ୍ରଛାତ୍ରୀ, ଯୁବ ଖେଳାଳି, କ୍ରୀଡ଼ା ବିଭାଗର ଅଧିକାରୀ, ପ୍ରଶିକ୍ଷକ, ସ୍ୱେଚ୍ଛାସେବୀ, ସୁନ୍ଦରଗଡ଼ ଜିଲ୍ଲା ବିଜେପି ସଭାପତି ଏବଂ ସାଧାରଣ ଜନତା ସକ୍ରିୟ ଭାବରେ ଅଂଶଗ୍ରହଣ କରିଥିଲେ। ଏହି ଦୌଡ଼ରେ ସମସ୍ତେ ଦେଶର ଏକତା ଓ ଅଖଣ୍ଡତା ବଜାୟ ରଖିବା ପାଇଁ ସଙ୍କଳ୍ପ ନେଇଥିଲେ।